पीएम सूर्यघर सोलर रुफटॉप योजना - Solar Rooftop Scheme

Solar Rooftop Scheme

Solar Rooftop Scheme मित्रांनो, भारताचे पंतप्रधान, माननीय श्री नरेंद्र मोदी यांनी 30 जुलै 2022 रोजी रूफटॉप सोलरसाठी राष्ट्रीय पोर्टल तसेच पीएम सूर्यघर नावाची नवीन योजना लॉन्च केली आहे. घराच्या छतावर सोलर पॅनल लावण्याची रुफटॉप योजना ही महावितरणची एक महत्त्वाची योजना आहे. यामुळे विजेची बचत होऊन, पर्यावरणाचे संरक्षण होणार आहे. चला तर मग या योजनेविषयी अधिक जाणून घेऊया.

कशी आहे पीएम सूर्यघर सोलर रुफटॉप योजना?

मित्रांनो पारंपरिक ऊर्जेचे स्रोत जसे की दगडी कोळसा, पेट्रोल, डिझेल, नैसर्गिक वायू हे आता मर्यादीत राहिलेले आहेत. त्यामुळेच इंधन दरवाढीचा प्रश्न हा दिवसेंदिवस बिकट होत चाललेला आहे. यावर मात करण्यासाठी सौर ऊर्जेपासून वीजनिर्मिती करणे ही काळाची गरज आहे.

घराच्या छतावर किंवा मोकळ्या जागेत सोलर पॅनल द्वारे वीजनिर्मिती करण्याच्या सिस्टिमला Solar Rooftop System असे म्हणतात.

अशी आहे कार्यप्रणाली

• सकाळी ८.०० ते संध्याकाळी ५.३० वाजेपर्यंत वीजनिर्मिती करणे शक्य  आहे.
• यामध्ये सोलर पॅनल हे सूर्यापासून मिळणाऱ्या ऊर्जेचे रूपांतर हे DC विद्युत ऊर्जेमध्ये करून देतात.
• DC विद्युत ऊर्जेचे रुपांतर इन्व्हर्टर च्या मदतीने AC विद्युत ऊर्जेमध्ये केल्या जाते.
• तयार होणाऱ्या AC विद्युत ऊर्जेचा वापर ग्राहक स्वतः करू शकतात. 'Solar Rooftop Scheme'
• यामध्ये ग्राहकाचा फायदा असा आहे की स्वतः च्या घरावर केलीली वीजनिर्मिती ग्राहक स्वतः वापरू शकतो. उरलेली विद्युत ऊर्जा  Grid मध्ये पाठवून ठरलेल्या युनिट प्रमाणे महावितरण विकत घेते.
• ग्राहकाने किती वीज वापरली? आणि ग्राहकाने महावितरणला किती वीज पाठवली? या सर्व नोंदी नेट मीटर(Bi-Directional Meter/Net Meter) यामध्ये केल्या जातात.
• तर जनरेशन मीटर (Generation Meter) मध्ये ग्राहकाद्वारे केलेल्या वीजनिर्मितीचे रेकॉर्ड राहते.

हे पण वाचा: सौरऊर्जाचलीत प्रकाश सापळा

अनुदान किती मिळणार?

वीज ग्राहकांना त्याच्या बँक खात्यामध्ये डीबीटी द्वारे अनुदान वितरित केल्या जाते.

• १ किलोवॅट पर्यंत ३०००० रुपये अनुदान
• २ किलोवॅट पर्यंत ६०००० रुपये अनुदान
• ३ किलोवॅट व त्यापेक्षा अधिक ७८००० रुपये अनुदान Solar Rooftop Scheme
• निवासी गृहनिर्माण संस्था, घर संकुलासाठी ९० लक्ष रुपये (कमाल) अनुदान 

Solar Rooftop Scheme

योजनेची वैशिष्ट्ये 

• घरगुती बिलात मोठी बचत 
• योजना महावितरणच्या घरगुती ग्राहकांसाठी लागू
• घरगुती वापरा एवढी किंवा त्यापेक्षा जास्त वीजनिर्मिती ही छतावरील सौरपॅनेल द्वारे झाल्यास शून्य वीजबील येणार
• घरगुती ग्राहक, गृहनिर्माण संस्था, निवासी कल्याणकारी संघटनांना योजना राबविता येणार
• अतिरिक्त निर्मित वीज महावितरण प्रति युनिट प्रमाणे विकत घेणार
• यापासून २५ वर्षांपेक्षा जास्त वीजनिर्मिती करणे शक्य

कुठे संपर्क साधाल?

"Solar Rooftop Scheme" या योजनेचा लाभ घेण्यासाठी जवळच्या महावितरण कार्यालयात संपर्क साधावा किंवा पीएम सूर्यघर योजनेच्या अधिकृत संकेतस्थळाला भेट द्यावी.